Орел (соѕвездие)

Орел е соѕвездие. Неговото латинско име е Aquila и значи орел. Се наоѓа речиси на небесниот екватор. Најсјајната ѕвезда, Алтаир, е вертекс на летниот триаголник.

Историја

Соѕвездието Орел е едно од 48-те соѕвездија забележани од Птоломеј во 1 век. Исто така се споменува во 4 век п.н.е. и во 3 век п.н.е. од Аратус. Денес е едно од 88-те соѕвездија дефинирани од меѓународната астрономска заедница.
Ова соѕвездие било познато и како Летечки грабливец (Vultur volans) за старите Римјани (да не се меша со Vultur cadens што е старо римско име за соѕвездието кое денес го знаеме како Лира).
Птоломеј каталогизирал деветнаесет ѕвезди од ова соѕвездие и од соѕвездието наречено Антиноус, кое се смета за застарено, а тогаш било наречено така во чест на императорот Хадриан (117–138), односно по грешка посветено на Тихо Брахе, кој каталогизирал 12 ѕвезди од Орел и седум од Антиноус.

Ѕвезди со имиња

Бајерово означување	Име	Потекло	Значење
α	Altair	арапски	птица
β	Alshain	арапски	сив сокол
γ	Tarazed	персиски	лушпа
ε	Deneb el Okab	арапски	опашка на сокол
ζ	Deneb el Okab	арапски	опашка на сокол
η	Bezek	хебрејски	молња
θ	Tseen Foo	мандарински	небесен сплав
ι	Al Thalimain	арапски	два ноја
λ	Al Thalimain	арапски	два ноја

Нова

Две големи нова ѕвезди се забележани во соѕвездието Орел; првата во 389 година п.н.е. за која е забележано дека била сјајна колку и Венера, а другата (V603 Aquilae) нешто посјајна од Алтаир, најсјајната ѕвезда во ова соѕвездие.

Небесни тела

Три интересни планетарни маглини се наоѓаат во соѕвездието Орел:

• NGC 6804 има мал но сјаен прстен;
  
• NGC 6781 која има сличности со маглината Owl Nebula од соѕвездието Голема Мечка;
  
• NGC 6751 позната и како Пламено Око, планетарна маглина

Други небесни тела:

• NGC 6709: ѕвездено јато од 6,7m лоцирано пет степени југозападно од Zeta Aquilae
  
• NGC 6755: ѕвездено јато од 7,5m; составено од дванаесетина ѕвезди со магнитуди од 12 до 13
  
• NGC 6760: глобуларно јато од 9,1m
  
• NGC 6749: ѕвездено јато
  
• NGC 6778: планетарна маглина
  
• NGC 6741: планетарна маглина
  
• NGC 6772: планетарна маглина

Друго

Леталото Пионир 11 на НАСА, што помина крај Јупитер и Сатурн во 1970-те години, ќе помине блиску до една од ѕвездите на соѕвездието Орел за околу четири милиони години.