Јужен Триаголник (соѕвездие)

Јужен Триаголник или Triangulum Australe е малечко соѕвездие на јужното небо, забележано во 16 век. Неговото латинско име Triangulum Australe значи „јужен триаголник“, што е различно од соѕвездието Триаголник кое се наоѓа на северното небо. Името му е дадено поради трите сјајни ѕвезди, со втора и трета магнитуда, кои формираат речиси рамностран триаголник.
Соѕвездието Јужен Триаголник е претставено во 1589 година од страна на Петрус Плансиус на небесен глобус со дијаметар од 32½ сантиметри, објавен во Амстердам од Јакоб Флорис ван Лангрен, а во небесен атлас за првпат е претставено во Уранометрија на Јохан Бајер во 1603 година.
Од видливите карактеристики тука е ѕвезденото јато NGC 6025, со околу 30 ѕвезди со магнитуда од 7 до 9.