Змија (соѕвездие)

Змија или Серпенс е соѕвездие. Неговото латинско име Serpens значи змија, и единствено е меѓу современите соѕвездија со тоа што е поделено на два дела - Serpens Caput (главата на змијата) на запад и Serpens Cauda (опашката на змијата) на исток. Меѓу овие два дела се наоѓа соѕвездието Змијоносец, односно „оној што ја држи змијата“. Серпенс е едно од 48-те соѕвездија кои ги забележал Птоломеј.

Видливи карактеристики

Ѕвезди
Бидејќи соѕвездието Змија е поделено на два дела, Бајер означувањето е според сјајноста меѓу двете половини.
Само една ѕвезда во ова соѕвездие има посјајна магнитуда од три, па според тоа соѕвездието не е лесно видливо. α Serpentis, наречена и Унукалхаи, се наоѓа на главата од змијата. δ Serpentis, која е исто така на главата од змијата, е двојна ѕвезда, оддалечена 210 светлосни години од Земјата. θ Serpentis наречена и Алја („Змија“ на арапски), се наоѓа на опашката на змијата и е исто така двојна ѕвезда.

Објекти од длабоката вселена
Messier 5, топчесто јато лоцирано е приближно на 8° југозапад на α Serpentis во главата на змијата.
Messier 16 е помладо отворено јато кое е поврзано со Eagle Nebula, дифузна маглина која е регион на формација на ѕвезди во опашката на змијата.
Дел од нашата галаксија Млечен Пат минува низ опашката, што е прикажано со засенчени делови на ѕвездената мапа.

Историја

На почеток, соѕвездијата Змија и Змијоносец се сметале за едно соѕвездие, кое е поврзувано со митот за почетоците на медицината.