Сателити

Сателит се нарекува било кој објект кој орбитира (кружи) околу некој друг објект. Сателитите можат да бидат направени од човекот (вештачки) или да претставуваат природна појава, како што се Месечината, астероидите, планетите, ѕвездите, па дури и галаксиите.
Природен сателит е објект кој кружи околу планета или некое поголемо тело од него, а не е направено од човекот. Ваквиот објект најчесто се нарекува месечина. Технички, поимот природен сателит исто така може да се однесува и на планета која орбитира околу некоја ѕвезда, или уште повеќе ѕвезда која орбитира околу својот галактички центар. Но вообичаено поимот природен сателит се однесува на сателитите на планетите, џуџестите планети или минорните планети.
Има околу 240 познати месечини во Сончевиот систем, вклучително оние 162 кои орбитираат околу планетите, 4 кои орбитираат околу џуџестите планети, и многу други кои орбитираат околу помали објекти во сончевиот систем. Другите ѕвезди и нивните планети исто така имаат природни сателити.
Сите објекти кои припаѓаат на нашиот Сончев систем, вклучително и Земјата и Сонцето, се сателити или на некоја планета, или на Сонцето, или на галактичкиот центар на Млечниот пат.
Понекогаш не е едноставно да се определи за едно множество на објекти кој на кого му е сателит. Бидејќи сите тела кои имаат маса се под влијание на гравитациони сили, движењето на примарниот објект исто така е под влијание на сателитот. Ако два објекта се со приближно иста маса, се вели дека се работи за бинарен систем а не за систем примарен објект - сателит; екстремен случај на бинарен систем 'двојниот астероид'. Како општ критериум за оценка дали еден објект е сателит или не на друг објект се зема нивниот центар на маса, познат како барицентар. Објектот до во чија внатрешност се наоѓа центарот на маса велиме дека е примарен објект а за другиот објект велиме дека е сателит. Еден друг пример, далеку попознат, е примерот на џуџестата планета Плутон и нејзиниот придружник Хирон. Многумина веруваат дека Хирон е сателит на Плутон, но тоа е дискутабилно, бидејќи нивните маси се приближно еднакви а нивниот барицентар не се наоѓа во внатрешноста на ниту еден од нив, па според тоа некои велат дека Плутон и Хирон се членови на еден двоен систем од планети.