Отворено ѕвездено јато

Отворено ѕвездено јато е група од неколку илјади ѕвезди кои се формирани од ист џиновски молекуларен облак, а сè уште се под влијание на гравитацијата меѓу себе. Спротивно, глобуларно јато е многу силно поврзано со гравитацијата. Отворени ѕвездени јата се пронајдени само во спиралните и неправилните галаксии, каде постои активно ѕвездено групирање. Се смета дека се стари помалку од неколку стотици милиони години: ги пореметуваат блиските контакти со други јата и облаци од гас при нивното орбитирање околу галактичкиот центар, како и губењето на членови од јатото преку други взаемни контакти.