Планетарен систем

Планетарен систем е составен од различни небесни тела кои не се ѕвезди, а орбитираат околу ѕвезда како планети, џуџести планети, месечини, астероиди, метеориди, комети и вселенска прашина. Планетарниот систем на нашето Сонце, вклучувајќи ја и нашата Земја, е познат како Сончев систем.

Потекло и еволуција

Се смета дека планетарните системи се оформени како дел од истиот процес кој ги создал ѕвездите. Некои поранешни теории вклучуваат поминување на друга ѕвезда многу блиску до Сонцето, која исфрлила материјал од кој се создадени планетите. Но, денес се знае дека веројатноста од ваква блиска средба е речиси неверојатна за да се смета тој процес како модел за создавање на планетите. Денес прифатените теории велат дека протопланетарниот диск кој се формирал преку гравитациски колапс на молекуларен облак, потоа еволуирал во планетарен систем.
Сепак, некои планетарни системи може да се формирани на поинаков начин. Планетите што орбитираат околу ѕвездите пулсари што емитуваат периодична експлозија од електро-магнетна радијација, откриени се поради варијацијата што ја предизвикуваат при овие експлозии. Пулсарите се формираат при силна експлозија на супернова, така што нормален планетарен систем не е можно да преживее таква експлозија, при која планетите би испариле, би биле исфрлени од нивните орбити од количеството на гас ослободено од екплозијата на ѕвездата, или би ја изгубиле гравитациската врска со ѕвездата околу која треба да орбитираат.

Листа на планетарни системи

• Сончев систем – Сонцето и неговиот планетарен систем, прв систем што е откриен
  
• PSR B1257+12 – првиот откриен екстрасоларен планетарен систем, првиот планетарен систем на пулсар што е откриен, првиот откриен систем со повеќе планети
  
• Upsilon Andromedae – првиот систем со повеќе планети откриен околу ѕвезда во главна фаза, откриена во април 1999 година
  
• PSR B1620-26 – првиот повеќеѕвезден планетарен систем што е откриен
  
• 55 Cancri – најголемиот екстрасоларен планетарен систем што е откриен (5 познати планети до 6 ноември 2007 година, заедно со оддалечен ѕвезден придружник.)
  
• Gliese 876 – првиот откриен систем околу црвено џуџе
  
• HD 69830 – пронајдено е дека има три планети со маса колку Нептун и астероиден појас, сите во рамките на 1 AU
  
• 2M1207 – првиот систем што е фотографиран и првиот систем околу кафеаво џуџе со планета
  
• Gliese 581 - првиот екстрасоларен систем откриен со планета, а лоциран во рамките на зона погодна за живот (Gliese 581 d)
  
• Mu Arae - првиот систем со планета која е „врел Нептун“
  
• HD 188753 - првиот откриен планетарен систем околу тројна ѕвезда
  
• HD 37124
  
• HD 12661
  
• HD 73526
  
• 47 Ursae Majoris
  
• Epsilon Eridani
  
• 14 Herculis
  
• UX Tau A